WASHANGAZWA NA USHINDI WA HALMASHAURI YA MJI NJOMBE USAFI WA MAZINGIRA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na James Festo, Njombe.

KATIKA kuelekea siku ya maadhisho ya mazingira  ambayo hufanyika june tano ya kila mwaka  huku Halmashauri ya mji wa Njombe ikiwa inaendelea kushika nafasi za juu kwa usafi   wananchi wake wameendelea kuitupia lawama za kushindwa kuzoa takataka  kwenye vizimba hali ambayo inaweza kusababisha  magonjwa ya mlipuko.

Hali hiyo inakuja kufuatia kusuasua kwa uzoaji taka  katika vizimba vya takataka vikiwemo vilivyopo karibu na maeneo yanayotumika katika uuzaji wa vyakula  kitu ambacho kinaweza kusabisha madhara makubwa kwa wauzaji pamoja na wateja wao

Mwandishi wa habari hii alitembelea na kujionea  vituo mbalimbali Ndani ya halmashauri ya Mji wa Njombe  hali mbaya ya takataka zilizofurika  nje ya vizimba  licha ya wananchi kuendelea na biashara  likiwemo eneo nyuma ya kituo cha mabasi mjini njombe.

Wakizungumza na majira baadhi ya wafanyabiashara hao walisema kuwa tangu kusimama  kwa mawakala waliokuwa wakifanya kazi hiyo ya kuzoa takataka kwenye vizimba na Halmashuri kuvaa jukumu hilo  mwenendo umekuwa wa kusuasua na kueleza kushangazwa  kuona wakilipa ushuru kila uchao wakati taka hazizolewi kwa wakati.

 "   sasa hivi michango imesitishwa  ndio maana ya kwenye vizimba taka ni nyingi.... labda kila mwananchi awe anachangia  kila kaya ...tunataka tuchangie..... tukisema tufanye hivi hatufiki ...... wakala ameshindwa kufanya kazi kwa sababu  kipato anachopata halmashauri  ni kidogo "   walisema wafanyabiashara hao.

Aidha Wafanyabiashara  hao waliiomba halmashuri kutumia  fedha zinazokusanywa katika ushuru wa soko kutumika katika kufanya usafi wa soko hilo na kuwasisitiza watumishi wa sekta hiyo kuacha uzembe wa kukaa ofisini.

Andove Mgani ni mwenyekiti wa  soko la  wafanyabishara lililopo nyuma ya kituo cha mabasi cha Njombe alisema kuwa tangu Halmashuri ya Mji ianze kusimamia yenyewe  zoezi ya utoaji wa taka hizo imekuwa ikizidiwa na kusababisha  taka kukaa zaidi ya wiki  kitu ambacho ni hatari kwa wananchi  mjini hapa.

"  ninachojua zamani taka taka na yule wakala alikuwa makini na kazi yake lakini baada ya kusimamiwa na halmashauri  vizimba vya hapa mjini vyote vinakaa na takataka muda wote  kama wafanyabiashara tungekuwa na uwezo wa kuamua  tungemuaomba arudi afanye kazi ya kuzoa takataka"   alisema Bw Ndonya.

Kwa upande wake kaimu Mkurugenzi wa Halmashauri ya Mji wa Njombe Bw. Venance Msungu alikiri kuwepo kwa tatizo hilo la uzoaji wa takataka  alisimama kutokana kiasi cha fedha aliyokuwa akilipwa huku mji wa Njombe ukiendeea kuongezeka kwa uchafu.

Alisema kuwa katika kipindi cha miezi miwili baada ya wakala huyo Halmashauri hiyo imekuwa ikiendelea na zoezi hilo  huku wakisubiri mwezi julai mwaka huu wa kutangazwa kwa mzabuni ambaye ataanza kufanya kazi hiyo ambaye atakuwa na vifaa vya kutosha tofauti na Halmashauri  ambayo imekuwa ikitumia magari mawili pekee.

"  hata waandishi wa habari inayostahili watu wanaongea kwamba uchafu bado tatizo jambo linaonyesha kukosa uelewa wa kulinganisha na sehemu zingine  hapa nchini....zabuni zitafunguliwa mwezi huu  wa sita  na inapoanza mwezi julai  tutakuwa na mzabini mwenye vifaa vya kutosha vya kutolea uchafu"   alisema bw Msungu.

HABARI PICHA ZA MAZISHI YA ALIYEKUWA MWENYEKITI WA CHAMA CHA MAPINDUZI WILAYA YA NJOMBE MZEE ADAM MSIGWA

 Deo Sanga ambaye ni Mbunge na Mwenyekiti wa Chama cha mapinduzi CCM mkoa wa Njombe akiteta jambo na Mkuu wa Mkoa wa Njombe.


Aliyekuwa  mwenyekiti wa Chama cha Mapinduzi (CCM) Wilaya ya Njombe, Adam Ismail Msigwa (pichani) ambaye alijukana kwa jina maarufu kama 'Shilingi ni Vita' amefariki  nyumbani katika Mitaa wa Kwivaha Njombe mjini na mazishi yalifanyika katika kijiji cha lisitu.

Mkuu wa mkoa wa Njombe Cept. mstaafu Aseri Msangi (kushoto ) wa pili ni Katibu Tawala wa Mkoa wa Njombe Bw Saitabau na wa mwisho (kulia) ni Kamanda wa polisi mkoa  SACP  Ngonyani.

"MUNGU AILAZE ROHO YA MAREHEMU PEMA PEPONI"

 'AMINA'

PICHA ZOTE NA JAMES FESTO & PROSPER MFUGALE.

WAAJIRI WATAKIWA KULINDA AFYA ZA WAFANYAKAZI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

SERIKALI imewataka waajiri wote kuhakikisha wanaanzisha mifumo bora mahali pa kazi itakayohakikisha wafanyakazi wao wana usalama na wenye afya bora.
Alisema suala hilo si jambo la hiari kwani linagusa uhai na maisha ya watu.Akizungumza kwenye maadhimisho ya siku ya afya na usalama mahali pa kazi Duniani, Makamu wa Rais, Dkt. Mohammed Gharib Bilal, aliwataka waajiri wasikwepe wala kuogopa gharama katika hilo.
"Zingatieni kuwa hakuna kitu chenye thamani kuzidi uhai na maisha ya watu," alisema.
Alisema takwimu za Shirika la Afya Duniani (ILO) zinaonesha kuwa Kila mwaka duniani takriban watu milioni 337 hupata ajali kazini na kati yao wafanyakazi milioni 2.3 hufariki kutokana na ajali na magonjwa yatokanayo na kazi wanazofanya.
"Takwimu zinatuonesha kuwa watu wanaofariki kutokana na magonjwa ya ajali kazini ni wengi kuliko wale wanaofariki vitani, ni wazi kuwa ajali nyingi na magonjwa kazini hutokana na wafanyakazi kutozingatia kanuni za usalama na afya kazini na waajiri kutochukua hatua za kupunguza ajali na magonjwa hayo," alisema Dkt. Bilal.
Alisema kila mfanyakazi anastahili kufanya kazi yenye ujira wa kutosha kukidhi mahitaji ya msingi katika mazingira salama bila kuhatarisha afya yake, kinyume na hapo kazi hiyo haitakuwa ya staha na haipaswi kufanywa na binadamu yeyote, inayostahili kupigwa marufuku.
Hata hivyo, alisema siku ya usalama na afya mahali pa kazi duniani ni siku muhimu kimataifa ambapo nchi zote wanachama wa Shirika la Kazi Duniani (ILO) tangu mwaka 2001 zilitakiwa kuadhimisha siku hiyo.
Pia alisema maadhimisho hayo yanatoa fursa ya kubainisha njia mbalimbali za kuzuia magonjwa na ajali zinazotokea kazini na kuimarisha kampeni za kuboresha usalama afya na ustawi wa wafanyakazi wakiwa kazini.
Alisema Serikali inafanya juhudi kubwa kuhakikisha inadhibiti matumizi yasiyofaa ya kemikali sehemu za kazi na maeneo mengine kwa manufaa ya afya na wananchi wake.
"Pamoja na juhudi zinazofanywa na Serikali madhara ya kemikali yameendelea kuathiri jamii yetu kwa njia moja au nyingine na haya yanachangiwa na tabia za baadhi ya watu wasio waungwana miongoni mwa jamii," alisema Dkt. Bilal. Alisema Serikali itaendelea kusimamia na kudhibiti matumizi mabaya ya kemikali kwa kutoa elimu kwa watumiaji na wananchi kuhusu matumizi sahihi na madhara yatokanayo na matumizi mabaya ya kemikali.

Chanzo;Majira

Wezi waiba miundombinu ya soko la Ngiu Makete

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Katika hali ya kushangaza na kusikitisha, wezi wasiofahamika wameiba baadhi ya miundombinu ya soko la Ngiu wilayani Makete mkoani Njombe licha ya soko hilo kuwa na mlinzi.

Mwandishi wa blog hii ambaye amefika eneo la tukio mara baada ya kupenyezewa taarifa hizi na wananchi, ameshuhudia baadhi ya miundombinu haipo ikiwemo mifuniko yote ya chuma inayofunikia masinki ya vyoo, pamoja na mabomba ya kutiririshia maji ya mvua

Taarifa kamili na picha zote za tukio hilo zitakujia baadaye kidogo.

 Muonekano wa soko la Ngiu lililopo kata ya Iwawa, Makete mjini.

 Chemba ya choo cha soko hilo ikionekana baada ya wezi kuiba mifuniko yote mitatu ya kufunikia chemba hiyo

Na Edwin Moshi

MAONI:RIPOTI YA CAG HAITOI MATUMAINI YOYOTE

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Ripoti ya Mdhibiti na Mkaguzi Mkuu wa Hesabu za Serikali (CAG) ya mwaka wa fedha wa 2012/13 imefichua madudu ya ajabu, ambayo bila shaka yatakuwa yameondoa matumaini ya wananchi ya kukua kwa uchumi na kuwaondolea umaskini uliokithiri. Ripoti za CAG za miaka ya fedha iliyopita zilikuwa pia zinafichua madudu ya kutisha, lakini baada ya Serikali kuahidi kwamba ingeepuka kurudia madudu hayo na kuzifanyia kazi changamoto nyingi zilizokuwa zikiibuliwa na ripoti mbalimbali za CAG, wananchi wengi walipata matumaini.

Inasikitisha kwamba ripoti hiyo iliyotolewa ufafanuzi na CAG mwenyewe, Ludovick Utouh juzi, imeonyesha dhahiri  kwamba Serikali haijawa na dhamira ya kweli ya kudhibiti matumizi mabaya ya fedha za Serikali na kupambana na vitendo vya ufisadi na ubadhirifu wa mali ya umma. Pamoja na kuwapo kwa Bunge na mifumo mingine kadhaa ya kuhakikisha kwamba Serikali inakuwa na nidhamu katika kusimamia mapato na kudhibiti matumizi yake, bado hakuna mabadiliko wala dalili za uwajibikaji katika matumizi ya fedha za Serikali.

Ripoti ya CAG inaonyesha kwamba matumizi hayo mabaya yanaendelea pamoja na hali mbaya ya uchumi inayolikabili taifa. Kwa mwenendo huo, inaonekana hakuna uwezekano wa kupunguza Deni la Taifa ambalo lilifikia Sh21.20 trilioni, ambalo ni ongezeko la Sh4.23 trilioni sawa na asilimia 25, ikilinganishwa na Sh16.98 trilioni katika mwaka wa fedha wa 2011/12. Ndani ya Serikali umekuwamo utamaduni wa ufujaji wa fedha tunaoweza kusema ni wa mashindano, ambao umechangia kupanda kwa deni la ndani kutoka Sh4.55 trilioni mwaka 2011/2012 hadi Sh5.78 mwaka wa 2012/13, likiwa ni ongezeko la Sh1.23 trilioni, sawa na asilimia 27.

Mwenendo huo ni hatari kwa uchumi na maendeleo ya taifa letu. Baya zaidi ni pale Serikali inapoendekeza mikopo kutoka katika benki za biashara nje ya nchi. Ripoti ya Benki Kuu ya Tanzania (BoT), inasema kwamba Serikali imekuwa ikikopa wastani wa Sh360 bilioni kwa mwezi kutoka nje. Kutokana na hali hiyo,  Shirika la Fedha Duniani (IMF) na Benki  ya Dunia (WB), vimeonya dhidi ya mwenendo huo kwamba utahatarisha uchumi, ingawa Ripoti ya CAG inasema mikopo hiyo imesaidia miradi mikubwa ya maendeleo kama uboreshaji wa miundombinu na kadhalika.

Sisi hatudhani kama mikopo hiyo ina madhara kwa uchumi iwapo utakuwapo uwazi na itasimamiwa kwa uadilifu, kwa maana ya kuhakikisha kwamba siyo tu unakuwapo usimamizi katika  matumizi ya fedha hizo, bali pia zinatumika kuendesha miradi iliyokusudiwa. Miradi mingi ya maendeleo imekuwa ikikwama kutokana na fedha zake kuingizwa katika michepuko isiyofaa, mbali na wizi na ubadhirifu wa baadhi ya wanasiasa, watendaji wa Serikali na taasisi zake.

Ripoti ya CAG imebaini ufisadi mkubwa katika maeneo mengi ya mapato na matumizi ya fedha za Serikali. Kwa mfano, magari mapya 11 yenye thamani ya mamilioni ya shilingi yalinunuliwa lakini yaliishia katika miliki za watu binafsi. Sh1.62 zililipwa kama mishahara kwa watumishi hewa, huku misamaha ya kodi ikilipotezea taifa Sh1.52 trilioni ambazo zingeweza kujenga shule za sekondari za kisasa zaidi ya 300. Ripoti ya CAG haitoi matumaini. Serikali isipopambana na ufisadi na ubadhirifu wa mali ya umma, maendeleo na ustawi wa jamii nchini utabaki kuwa ndoto za mchana.
Chanzo:Mwananchi

VETA MAKETE WATEMBELEA WATOTO YATIMA NA KUTOA MISAADA MBALIMBALI‏

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Wafanyakazi wa VETA Makete wakiwa katika picha na watoto yatima wa kituo cha Bulongwa.

 Mfanyakazi wa VETA Makete akiwa amembeba mtoto yatima anayelelewa kituoni hapo

 Sanga akiwa amembeba mtoto yatima anayelelewa katika kituo cha Bulongwa

 Wakifurahia pamoja na watoto hao kwa kuimba nyombo.

 Wakiwa katika picha ya pamoja nje ya kituo hicho.

 Methew Komba akiwa amembeba mtoto yatima

 watoto wakifurahia kutembelewa na wafanyakazi wa VETA Makete.

 Hapa mmoja wa wafanyakazi wa VETA Makete akicheza na watoto hao.

---------

Kufuatia wilaya ya Makete mkoani Njombe kuwa miongoni mwa wilaya zenye watoto yatima, wafanyakazi wa chuo cha VETA Makete wametembelea kituo cha kulelea watoto yatima cha Bulongwa kilichopo wilayani hapa na kutoa misaada mbalimbali

Akizungumza na mwandishi wetu kwa niaba ya wafanyakazi wenzake alioambatana nao Bw. Mathew Komba amesema wao kama VETA Makete wameguswa na namna watoto hao wanavyopata tabu kwani hawakupenda kuishi maisha hayo lakini kutokana na kufiwa na wazazi wao ndiyo maana wapo katika kituo hicho

Amesema awali walikuwa wamepanga kuwatembelea watoto hao kabla ya pasaka lakini kutokana na sababu zisizoepukika walishindwa kufanya hivyo lakini walijipanga kama walivyokuwa wamedhamiria na jana walifika kituoni hapo kuwaona watoto hao na kuwapa msaada huo

Bw. Komba amesema baadhi ya vitu walivyovikabidhi ni pamoja na mafuta ya kupikia, sukari, mchele, sabuni, juisi, dawa za meno na vingine vingi vyote vikiwa na thamani ya tsh. 329,000/=

Amewaomba wadau wengine kuwaunga mkono kwa kwenda kuwasaidia watoto yatima kwani ni jukumu la jamii kwa ujumla kuhakikisha wanawatunza watoto hao licha ya kwamba wanalelewa kwenye vituo mbalimbali

Kwa upande wake Bi Sekela Nkyami kutoka kituo hicho cha kulelea watoto yatima Bulongwa amesema ingawa kituo hicho kina vitega uchumi mbalimbali lakini bado kinategemea misaada kutoka kwa wafadhili mbalimbali wakiwemo wakazi wa Makete wenye moyo wa huruma kama walioufanya chuo cha VETA

Amesema watoto hao waliopo katika kituo hicho si mali ya kituo pekee bali ni wa jamii yote kwa hiyo kuiomba jamii kushirikiana nao katika matunzo ili watoto hao wasijisikie wapweke kutokana na uyatima walio nao

"Ni kweli uyatima unatesa, ila tunawaomba wananchi waje kutoa misaada mbalimbali kwa watoto hawa, kumekuwa na kasumba kuwa wakishaletwa hapa basi si wao tena bali ni wa kituo, hii sia sawa bali tunatakiwa tushirikiane kwa pamoja chochote kidogo utakachokipata kinatosha kutusaidia" amesema Bi. Nkyami

Na Edwin Moshi, Makete

USHIRIKIANO KATI YA EPZA,KOREA KUIMARISHWA ZAIDI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

SERIKALI ya Tanzania kupitia Mamlaka ya U kanda Maalumu wa Uwekezaji nchini (EPZA), inatarajia kuanza kupata wawekezaji wengi kutoka Jamhuri ya Korea Kusini kwa faida ya nchi zote mbili.
Matarajio hayo yanatokana na ziara iliyofanywa hivi karibuni na wawekezaji katika mamlaka hiyo na kujionea maeneo maalumu ya uwekezaji na fursa zinazopatikana katika maeneo hayo.
Kwa mujibu wa taarifa kwa vyombo vya habari iliyotolewa na Mkurugenzi Mkuu wa Mamlaka hiyo, Dkt. Adelhelm Meru, hatua hiyo ni muhimu kwa nchi hizo mbili katika kuimarisha uchumi na uwekezaji endelevu.
Ujumbe huo ulijumuisha wafanyabiashara wakubwa kutoka kampuni 22 za nchi hiyo.
"Wamekuja na ujumbe mkubwa sana na tunatarajia sasa kuanza kupata wawekezaji wengi kutoka nchi hii," alisema Dkt. Meru.
Ujumbe wa wafanyabiashara hao uliongozwa na balozi wa nchi yao nchini Tanzania, Chung H na ilikuwa ni mara ya kwanza kwa kundi kubwa la wafanyabiashara wa nchi hiyo kuja nchini.
"Sisi tulitumia nafasi hii kuwaonesha vivutio ambavyo vinarahisisha biashara na uwekezaji katika maeneo yetu," alisema. Pia walioneshwa fursa zilizopo katika maeneo ya mamlaka zikiwemo za kuanzisha viwanda vya kuongeza thamani mazao ya kilimo na madini kwa ajili ya masoko ya nje.
Fursa nyingine zilizotajwa zilikuwa za ujenzi wa miundombinu ya nishati, maji na utoaji wa huduma mbalimbali katika maeneo maalumu ya mamlaka hiyo yaliyopo katika mikoa 20 hapa nchini.
Alisema maeneo maalumu ya vipaumbele ni pamoja na Bagamoyo, Mtwara na Kigoma ambayo yana fursa nyingi.
 "Kwa bahati nzuri tumekuwa tukifanya nao kazi kwa muda mrefu na tunajua wao ni mabingwa wa Teknolojia ya Habari na Mawasiliano (TEHAMA)," alisema.
Naye Balozi Chung H, alisema nchi yake inauhusiano mzuri na Tanzania na ziara ya wafanyabiashara wa nchi yake inadhihirisha uhusiano huo.
"Tunahitaji kuzidi kuongeza ushiriki wa wafanyabiashara wetu kufanya biashara na nchi hii ya Tanzania," alisema.
Mkuu wa ujumbe wa wafanyabiashara hao, Lee Kang Min, alisema wamekuja nchini Tanzania kwa ziara ya kuangalia mazingira ya uwekezaji na wamefurahi kuona fursa nyingi zilizopo.
"Tutarudi kuwekeza," alisema na kuongeza kuwa wafanyabiashara hao waliridhika na hali halisi ya mazingira ya uwekezaji na fursa zilizopo Tanzania. Wafanyabiashara hao pia walifanya ziara katika kiwanda cha nguo kilicho katika eneo la mamlaka hiyo cha Tanzania Tooku Garments Co. Ltd.

Chanzo:Majira

WAFAHAMU MAMA SHUJAA WA CHAKULA KUTOKA MKOA WA NJOMBE ANAYETARAJIA KUINGIA KIJIJI CHA MAISHA PLUS SIKU YA JUMAPILI WIKI HII!

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

SANTINA MAPILE (27) mkazi wa Njombe namba yake ya ushiriki ni MS 20 ni mfugaji na anafuga nguruwe.

ANADHANI YEYE NI MFANO WA KUIGWA: Kwa sababu amewahi kupata mafunzo ya ujasiriamali na akabahatika kupata mkopo na kurejesha kwa wakati. Anasema "Nina shamba lenye ukubwa wa ekari 1.5. Kwa mwaka ninavuna mazao gunia 15"

NEEMA GILBERT UHAGILE (28) mkazi wa Njombe namba yake ya ushiriki ni MS 19 ni mkulima na mfugaji ana ekari 2 anazolima mahindi, maharagwe na maparachichi na anafuga kuku na ng’ombe.

ANADHANI YEYE NI MFANO WA KUIGWA: Kwa sababu anapenda kazi ya kilimo  na ufugaji na pia anajiamini katika kazi yake. Anasema "Nina shamba lenye ukubwa wa ekari 2. Kwa mwaka ninavuna mazao gunia 10 na ninapata mayai trei 200"

MAISHA PLUS/MAMA SHUJAA WA CHAKULA

HERI YA SIKU YAKO YA KUZALIWA BLOGGER EDWIN MOSHI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Wadau, "Nakushukuru mwenyezi MUNGU kwa kunifikisha siku hii ya leo Alhamisi Aprili 24 ambapo naadhimisha siku ya kuzaliwa, ni kwa neema yako tu mimi kufika hapa nilipo, nakuomba unisaidie kwa kila kitu katika maisha yangu nizidi kukutumikia vyema". 
Nawashukuru wanalibeneke wenzangu wote, pamoja na ndugu, jamaa na marafiki kwa kuniunga mkono katika siku hii muhimu kwangu, Asanteni Sana
 
Edwin Moshi, 
 
C.E.O 

MVUA ZAZIDI KUHARIBU MIUNDOMBINU YA BARABARA MAKETE‏

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Kutokana na mvua zinazoendelea kunyesha wilayani Makete mkoani Njombe, baadhi ya barabara zimeharibika vibaya na kusababisha kero kwa watumiaji wa barabara hizo. 

Pichani ni hali ya barabara ya Tanesco iliyopo Makete mjini inavyoonekana ikiwa imejaa mashimo na tope kwa wingi, huku vifusi vya kuikarabati vikiwa vimelundikwa pembeni na kazi ya kuikarabati kushindwa kufanyika kutokana na mvua nyingi zinazonyesha wilayani hapo.(Picha na Edwin Moshi)

ISAACK CHEYO:MIVUTANO HAITALISAIDIA KUNDI LOLOTE KUSHINDA VITA YA KATIBA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi.

 

Mjumbe  wa Bunge Maalum la Katiba, amesema kwamba mivutano inayoendelea katika bunge hilo haitasaidia kundi lolote kwa sababu hapatakuwapo na mshindi.
Mjumbe huyo kutoka kundi la 201, Isaack Cheyo, amesema kwamba kinachotakiwa kufanyika ni pande zote zinazovutana kukaa chini na kutafuta maridhiano.
Jumatano jioni wiki hii, wajumbe kutoka Umoja wa Katiba ya Wananchi (Ukawa) pamoja na wajumbe wengine 25 wa kuteuliwa kutoka kundi la 201 walitoka nje wakilalamikia pamoja na mambo mengine, kauli za vitisho na ubaguzi zilizotolewa katika Kanisa la Medhodist Jumamosi iliyopita mjini Dodoma na Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi, pamoja na Chama Cha Mapinduzi (CCM) kuteka mapendekezo ya rasimu ya Tume ya Warioba kuhusu Muungano.
 Cheyo alisema kwamba kutoka nje ni suala la kawaida katika mabunge yote duniani kwa upande husika kuonyesha hisia zake kuwa suala fulani hawakubaliani nalo.
Cheyo ambaye anatoka katika Chama cha United Democratic (UDP), aliliambia NIPASHE kuwa: “Pale msipokubaliana nkatafute maridhiano kwamba sisi tunataka haya, na hawa haya.”
Alisema kwamba katika hali ya sasa ya bunge hilo kwa sheria na kanuni, hakuna mshindi kwa sababu zinasema kuwa thelithi mbili ya wajumbe wa pande zote wanatakiwa kukubaliana.
“Kwa hali ya ndani Bara inawezekana theluthi mbili ikapatikana, lakini kwa upande wa Zanzibar haitapatikana, hivyo katiba hakuna,” alisema Cheyo, abaye pia ni Kaimu Katibu Mkuu wa UDP.
Aliongeza: “Hata ikipelekwa kwenye referendum (kura ya maoni) Bara inaweza kupata theluthi mbili, lakini kwa Zanzibar haiwezi kupatikana.”
Alisema kuwa ili kuondoa hali hiyo, yatafutwe maridhiano kwa viongozi wa vyama kukutana na kuwashirikisha viongozi wa dini pamoja na makundi mengine ya wananchi, vinginevyo katiba haitapatikana na matokeo yake itarudi katiba ya zamani.
“Kwa CCM kubadili sura zilizomo katika rasimu na kuleta ya zamani, kwa nini wasilipeleke katika Bunge la Muungano na hili lingeepusha lawana kwa tume,” alisema. 
“Kama ni hivyo basi, Bunge la Katiba lisingeitishwa na kusababisha gharama kubwa kuanzia za kugharamia tume,” alisema.
“Baadhi yetu tunachojiuliza ni kwamba kama kutashindawa kutondoka bila katiba, wananchi huko nje watatuonaje,” alisema.
Alisema kuwa muda wa mapumziko kwa ajili ya kupisha Bunge la Bajeti unaweza kutumika kukutana na kutafuta maridhiano.
“Kama wengi wanakataa rasimu, kwa nini tusiandae kura ya maoni kuuliza wananchi muundo wa Muungano wanaoutaka kisha turejee na kupendekeza muundo walioutaka na hilo litapunguza gharama,” alisema Cheyo na kuongeza kwamba: “Tumeanza vibaya, tungeanza na wananchi.”
 

CHANZO: NIPASHE

RC NJOMBE ATAKA HALMASHAURI KUUNDA SHERIA KWA WANAFUNZI WASIWASILI SEKONDARI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Kutokana na idadi kubwa ya wanafunzi waliochaguliwa kujiunga na kidato cha kwanza kila mwaka mkoani Njombe  kutowasili ili kuendelea  na masomo mkuu wa mkoa wa Njombe  Capten Msaafu Aseri Msangi ameshauri halmashauri  nchini  kuunda sheria ndogo zitakazoweza kuwabana  wanafunzi  pamoja na wazazi wao ili  kuwapeleka watoto wao  shule.

Akiongea mara baada ya kupokea taarifa  ya matokeo makubwa sasa BRN kwenye sekta ya elimu ya msingi na sekondari  katika halmashauri ya wilaya ya  Njombe akiwa kwenye ziara ya siku tatu   mkuu huyo wa mkoa ameshauri  kuundwa kwa sheria ambayo itawabana mzazi na mtoto  ili sekta ya elimu iweze  kusonga mbele kwa kufikia malengo  ya kusomesha watoto wote wanaochaguliwa kujiunga na kidato cha kwanza ikiwa kwa asilimia 21 katika halmashauri iyo bado hawajaripoti.


Amesema kuwa kutokana na shule nyingi kuwa na upungufu wa madawati  hasa katika shule alizoweza kutembelea katika  kata  Mtwango  na Igongolo  aliwataka viongozi wa kata kuhakikisha tatizo hilo linatatuliwa  mara moja huku akiahidi kuchangia madawati kumi ya darasa la awali katika shule ya msingi Ilunda 'B' na kusititiza kutolifanyia mzaha suala la elimu.


Wakiwasilisha taarifa ya elimu makaimu  afisa elimu  wa sekondari na shule ya msingi  walisema sekta hiyo imejipanga  kuhakikisha madai yote ya walimu yaliyondani uwezo wake zikiwemo posho, fedha za uhamisho na likizo wanazilipa mpaka kufikia mwezi june mwaka huu  watakuwa wamemaliza.

Katika hatua nyingine mkuu huyo wa mkoa Njombe alishauri wananchi

  kulima kilimo kwa kufuata  kanuni mbalimbali  kutoka kwa wataalamu ili kunufaika na kilimo hicho  ikiwa pamoja na kilimo cha mahindi  kwa kutumia mbolea ya Minjingu Mazao.

Akiongea mara baada ya kukagua shamba darasa la  zao mahindi katika  kijiji cha Itipingi  ikiwa ni sehemu ya  miradi ya matokeo makubwa sasa  amesema,  Kuwa wakulima wengi wamekuwa wakishindwa kupata manufaa kwenye kilimo chao  kutokana na kutokufuata taratibu katika kilimo hicho.

 

TUKIO LA KUSIKITISHA: MZEE WA MIAKA 60 AUAWA KINYAMA KWA TUHUMA ZA USHIRIKINA WILAYANI MAKETE

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
TUNAOMBA RADHI KWA PICHA

Daktari Luvanda kutoka hospitali ya wilaya ya Makete akionesha majeraha ya kichwa cha mwili wa marehemu yanayohisiwa kupelekea kifo chake.

Mwili wa marehemu baada ya kuondolewa eneo la tukio.

 Polisi kutoka kituo cha Tandala na Makete wilayani wakichukua taarifa za mauaji hayo kwenye shamba ulipokutwa mwili wa marehemu.

 Askari akizungumza na wananchi waliofika eneo la tukio na kuwaonya kuacha tabia ya kujichukulia sheria mikononi pamoja na kushirikiana na jeshi hilo kuwapata watuhumiwa wa mauaji hayo.

Mkazi wa kijiji cha Masisiwe kata ya Ukwama Wilayani Makete Mkoani Njombe amefariki Dunia baada ya kupigwa na kitu chenye ncha kali kichwani na mguuni na mtu/watu wasiojulikana mwishoni mwa wiki iliyopita

Akithibitisha kutokea kwa tukio hilo kwa niaba ya mkuu wa polisi wilaya, Mrakibu mwandamizi wa Polisi ambaye pia ni afisa upelelezi Wilaya ya Makete Bw.Gozbert Komba  amesema walipokea taarifa ya mauaji hayo kutoka kwa uongozi wa kijiji hicho na kumtaja marehemu kuwa ni Masori Sanga(60) mkazi wa kijiji cha Masisiwe Kata ya Ukwama Wilayani Makete

Bw. Komba amesema kuwa marehemu huyo aliuawa usiku wa kuamikia Ijumaa wiki iliyopita na watu wasiojulikana kwa imani za kishirikina kwa kuwa marehemu alikuwa mzee na pia kwa mujibu wa maelezo ya mashuhuda wa tukio hilo waliohojiwa na polisi

Pia amesema mpaka sasa Jeshi la Polisi linaendelea na upelelezi kwa ajili ya kuhakikisha wahusika wote wa tukio hilo wanakamatwa kwani kitendo walichokifanya ni cha kinyama  na baada ya tukio hilo muuaji/wauaji hao walitokomea kusiko julikana

Bw.Komba amekemea  vikali suala la wananchi kujichukulia sheria mkononi wilayani hapo na kuwaomba wananchi wasiwe na tabia hizo za kuwaua wazee kwa imani za kishirikina na kuwataka watii sheria bila shuruti ili kuishi kwa Amani katika wilaya yao na nchini kwa ujumla

Mwili wa marehemu ulikutwa kwenye shamba la mahindi ukiwa na majeraha sehemu za kichwani na mguuni ambayo yanadhaniwa kusababisha kifo chake, baada ya watu kupita eneo hilo na kuukuta mwili huo

katika kipindi cha hivi karibuni wilayani Makete kumekuwa na matukio ya mauaji kutokana na tuhuma mbalimbali ikiwemo wivu wa kimapenzi na imani za kishirikina jambo linalotia doa wilaya hiyo kutokana na ongezeko la watu kuchukua sheria mikononi kwa kuwaua watuhumiwa wa matukio mbalimbali

Habari/picha na Edwin Moshi, Eddy Blog.