WATENDAJI NJOMBE KUTUMIA VEMA BARAZA LA BIASHARA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

WATENDAJI wa Wilaya za Mkoa wa Njombe, wametakiwa kutumia fursa ya uwepo wa Baraza la Biashara la Mkoa kuunganisha sekta ya umma na binafsi kujadili kutatua changamoto zilizopo katika biashara na kutumia fursa hiyo kutangaza vivutio vya biashara zilivyopo.

Akizungumza wakati wa uzinduzi wa baraza hilo, Mkurugenzi wa Biashara wa Baraza la Biashara la Taifa (TNBC), Arthur Mtafya, alisema wajumbe wa baraza hilo hawana budi kuzingatia fursa za uchumi zilizo katika mkoa huo na kujadiliana juu ya vikwazo vya biashara, ili kupanua wigo wa uwekezaji mkoani humo.

“Nia ya kuanzisha baraza katika ngazi ya mkoa na wilaya ni kurahisisha utendaji kutoka ngazi ya taifa mpaka wilayani, kwani kuna mambo yanayoweza kushughulikiwa katika ngazi ya mkoa,” alisema.

Mtafya alisema sera za nchi zinaruhusu baadhi ya changamoto zinazohusu mkoa fulani zitatuliwe katika ngazi ya mkoa na kwamba hiyo inasaidia utendaji na uwajibikaji na kuwa yanaposhindikana ndipo huwasilishwa katika ngazi ya taifa, ili kufanyiwa kazi. Alisema ushiriki kamilifu wa sekta hizo mbili katika ngazi ya mkoa na wilaya utasaidia kwa kiwango kikubwa katika kuinua hali ya biashara na uwekezaji katika mkoa huo.

Mkuu wa Mkoa wa Njombe, Kapteni Mstaafu Asei Msangi, alisema baraza hilo jipya litakuwa chachu ya maendeleo kwa kuunganisha sekta ya umma na binafsi katika kujadili vikwazo vya biashara, ili kukuza uchumi wa mkoa huo na taifa kwa ujumla.

Chanzo:Tanzania Daima

WANAWAKE VAENI NGUO SASA, KAMA KUVUA MUMESHAVUA IMETOSHA‏

MOJA ya sifa ya mwandishi ni kusoma, na katika kusoma huko na kupekua pekua hapa na pale unaweza kujifunza na kupata la kuandika kupitia maandiko ya watu wengine na kutoa elimu kwa umma. Leo nimepita pita katika kurasa za marafiki zangu huko katika uso wa kitabu ‘Facebook nikakutana na nasaha ya ndugu yangu Victory Richard, juu ya kuwasihi wanawake kwamba  sasa wavae nguo.

Ndugu yangu yule amechoshwa na tabia za dada zetu, wake zetu na hata mama zetu wakati mwingine wanavyotembea uchi, ndio! utavaaje nguo fupiii au skintight halafu useme umevaa nguo?. Binafsi naomba radhi kama nitakuwa nimemkwaza mtu hasa hao mama zetu, Ah! Lakini potelea mbali Anko Kidevu sijali kitu si wamejitakia.

Hivi akina mama na dada zetu kweli jamani katika yooote ambayo mnalilia usawa na sisi tunakubali kuwa sawa, hili la kutembea uchi au kuvaa mavazi nusu uchi mbona mnapitiliza?

Ndio mmepitiliza Anko nimebaini kuwa mmetupita maana sisi tukivaa sana ni kaptura au bichkoma na kawosh au singlendi lakini sasa naona mmepita katika sketi na sasa mna vimini na kuacha vifua wazi.

Ni nani awezaye kuona aibu yenu zaidi yangu mimi Anko Kidevu na kaka yenu Victor Richard, tafadhalini tunawasihi, hebu vaeni nguo sasa na jamii itawaheshimu maana hakuna heshima kwa mwanamke hata kidogo. Na kama mnahisi mnaheshimika kwa hilo ni bure kabisa. SOMA ZAIDI FATHER KIDEVU BLOG

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

TANGAZO MUHIMU KWA WAHITIMU WOTE WA CHUO CHA ELIMU YA BIASHARA (CBE) , WANAALIKWA KWENYE MKUTANO 4 OKTOBA 2014

C H U O   C H A   E L I M U   Y A   B I A S H A R A (CBE)

“CHINI YA WIZARA YA VIWANDA NA BIASHARA”

MKUTANO WA CBE ALUMNI MIKOA YA NYANDA ZA JUU KUSINI

         KAMPASI YA MBEYA

Mkuu wa Kampasi ya Chuo cha Elimu ya Biashara CBE Mbeya, Dionize A. Lwanga , Akizungumzia Mikakati na maandalizi ya awali ya Kutimiza Miaka 50 ya Chuo hicho, na Mkutano Mkubwa utakaofanyika Mwezi Octoba ambao utawakutanisha wanafunzi wote waliowahi kusoma chuo hicho ili kujadiliana mambo kadha wa kadha wakati wanajiandaa na miaka hiyo 50 na kutengeneza Alumni Association.

 Afisa Taaluma wa Chuo cha Elimu ya Biashara CBE Kampasi ya Mbeya akizungumza Jambo wakati wa Majadiliano juu ya maandalizi ya Kikao cha mwezi Octoba.

Mkufunzi Msaidizi wa Chuo cha Elimu ya Biashara CBE Kampasi ya Mbeya Akizungumza jambo wakati wa mazungumzo mafupi juu ya Maandalizi ya mkutano huo utakaofanyika Octoba

Majadiliano yakiwa yanaendelea

MKUU WA CHUO CHA ELIMU YA BIASHARA ANAWATANGAZIA WAHITIMU WOTE WA MIAKA YA NYUMA NA WA SASA WA CHUO CHA ELIMU YA BIASHARA WANAOISHI KATIKA MIKOA YA NYANDA ZA JUU KUSINI KUHUDHURIA MKUTANO WA WANA JUMUIA YA CBE (CBE ALUMNI) UTAKAOFANYIKA SIKU YA JUMAMOSI TAREHE 4, 10, 2014 KATIKA VIWANJA VYA MBEYA HOTEL, JIJINI MBEYA, KUANZIA SAA 7.00 MCHANA. BAADA YA MKUTANO KUTAKUWA NA CHAKULA CHA PAMOJA.

MIONGONI MWA MAMBO YATAKAYOFANYIKA SIKU HIYO NI PAMOJA NA:

1)      KUUNDA ALUMNI ASSOCIATION KWA NYANDA ZA JUU KUSINI

2)      KUCHAGUA VIONGOZI WA ALUMNI ASSOCIATION WA KANDA

3)      KUPATA TAARIFA YA MAANDALIZI YA MAADHIMISHO YA MIAKA 50 YA CBE

4)      MADA KUHUSU MCHANGO WA CBE KATIKA KUENDELEZA BIASHARA NCHINI

5)      MADA KUHUSU CBE ILIPOTOKA, ILIPO KWA SASA NA CBE IJAYO

6)      KUBADILISHANA UZOEFU NA MAWAZO (NETWORKING)

MADA HIZI ZITAWASILISHWA NA WAKUFUNZI, WAHITIMU, WANAFUNZI NA WADAU WENGINE WA CBE.

TAFADHALI, UPATAPO TAARIFA HII MJULISHE NA MWENZIO.

 PAMOJA TUNAWEZA

KWA MAELEZO ZAIDI WASILIANA NA MKUU WA KAMPASI YA MBEYA

BARUA PEPE: dir.mbeya@cbe.ac.tz

Simu                 :025- 2500571

                          :0654- 878704, 0717 -288874, 0655- 080858

C H U O   C H A    E L I M U    Y A    B I A S H A R A (CBE)

“CHINI YA WIZARA YA VIWANDA NA BIASHARA”

KAMPASI YA MBEYA



NAFASI ZA KUJIUNGA NA MASOMO NGAZI YA ASTASHAHADA (CERTIFICATE) NA STASHAHADA (DIPLOMA) KWA MWAKA WA MASOMO 2014/2015 KATIKA FANI ZIFUATAZO:

• Uhasibu ( Accountancy)
• Masoko (Marketing Management)
• Ununuzi na Ugavi (Procurement & Supplies Management)
• Usimamizi wa Biashara (Business Administration)

1.  Fomu za kujiunga zinapatikana Chuoni Jengo la chuo kikuu Huria ( Kituo cha Mbeya) Forest ya zamani, CBE DAR ES SALAAM, CBE DODOMA, CBE MWANZA au   Bofya hapa Chini Ku Download

>>>>>>DOWNLOAD HAPA FOMU<<<<<

2. Wahitimu wa kidato cha nne wenye ufaulu usiopungua D nne watajiunga moja kwa moja.

3. Kujiunga na stashahada (diploma) wahitimu wa kidato cha sita wenye    ufaulu usiopungua Principal pass moja, subsidiary pass mbili Au wenye    astashahada husika yaani (certificate) kutoka Chuo kinachotambuliwa na NACTE

Masomo kwa ngazi zote yanatolewa kuanzia asubuhi hadi jioni (FULL TIME)  na jioni (EVENING PROGRAM) jumatatu hadi ijumaa.

Ewe mwananchi jiunge na chuo chenye uzoefu wa zaidi ya miaka 49 katika elimu ya Biashara, Ujasiriamali, Ushauri na Utafiti.

Tunaendelea kupokea maombi ya kujiunga katika ngazi zote

Kwa maelezo zaidi piga  simu namba, 0654-878704 / 0767-288874

WANAUME WATAHIRIWA KUEPUKA UKIMWI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

SERIKALI wilayani hapa inaendelea kuwafanyia tohara wanaume wasiotahiriwa ikiwa ni moja ya mikakati yake ya kuzuia kuongezeka kwa maambukizi mapya ya Ukimwi kwa wakazi wake.

Hatua hiyo imetokana na wataalamu kubaini kuwa, kuna uhusiano mkubwa kwa wanaume wasiotahiriwa na ongezeko la maambukizi mapya ya Ukimwi.

Takwimu za kitaifa zinaonesha kuwa wilaya hiyo ina asilimia 6.1 ya maambukizi na Mkoa wa Njombe ndiyo unaoongoza kitaifa kwa kuwa na wastani wa asilimia 7.

Mkuu wa Wilaya hiyo, Juma Madaha, alisema hayo mwishoni mwa wiki wakati akizungumza na gazeti hili ofisini kwake kuhusu mkakati wa kupambana na maambukizi mapya ya ugonjwa huo ambapo kwa sasa umepata mafanikio makubwa.

Kwa mujibu wa Madaha, Wilaya ya Ludewa ni miongoni mwa maeneo ambayo yameathirika kwa kiasi kikubwa kwa Ukimwi na kunatakiwa juhudi kubwa na za makusudi kupunguza tatizo hilo ikiwamo kuongeza elimu ya uelewa wa athari kwa wananchi.

Alieleza kuwa, hapo mwanzo mapambano dhidi ya Ukimwi yalikuwa magumu na tatizo kubwa lilionekana kuwepo kwa idadi kubwa ya wanaume wasiotahiriwa hivyo kwa namna moja na nyingine kuchangia kuongezeka kwa tatizo.

Madaha alisema, pamoja na hatari ya kupata Ukimwi kwa urahisi, lakini pia kutofanyiwa tohara kwa wanaume kunasababisha maambukizi ya ugonjwa wa saratani ya shingo ya kizazi kwa wanawake jambo ambalo ni hatari kwa afya na kusababisha vifo.

Aliwataka wakazi wa wilaya hiyo kuwa waangalifu na nyendo zao na kujiepusha na tabia inayoweza kuwasababishia kupata maambukizi mapya kwa kuepuka kufanya ngono zembe.

Chanzo;Habari Leo 

MCHAKATO WA KATIBA MPYA: TULIJIKWAA WAPI NA TUTOKE VIPI-2

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 

Kama tulivyoona katika sehemu ya kwanza, kuna kasoro kwenye mchakato wa Katiba Mpya unaondelea nchini lakini Tume ya jaji Warioba, hususan Rasimu, ina uhalali mkubwa zaidi wa kisheria na hata wa kisiasa.

Kuhitimisha, ni hili la ushirikiano uliotolewa kwa Tume ya Warioba na taasisi za kikatiba na kiserikali. Taarifa rasmi za tume zinathibitisha kuwa kati ya taasisi tajwa zilizotoa maoni yao kwa Tume na kwa maandishi, ni Bunge la Jamhuri, Baraza la Wawakilishi, Ofisi ya Makamu wa Rais, Ofisi ya Waziri Mkuu na mengineyo mengi.

Kifungu cha 18 cha Sheria ya Mabadiliko ya Katiba kilitoa fursa kwa taasisi tajwa kujigeuza kuwa ‘Mabaraza ya Katiba’ na “kutoa maoni juu ya Rasimu ya Katiba”. Ni muhimu hili likatiliwa maanani na maoni haya yakajulikana, tukizingatia dai la mara kwa mara kuwa Tume haikukusanya maoni ya Watanzania ‘ya kutosha’.

Tulijikwaa Wapi?

Wahenga walinena: Angalia ulipojikwaa, siyo ulipoanguka. Ile siku baadhi ya wajumbe, hususan wale waliomo katika kundi linalojulikana zaidi kama Umoja wa Katiba ya Wananchi (Ukawa), waliposusia kikao na kutoka nje ya Bunge Maalumu, mchakato ulikuwa umeaungukia pua, hata kama siyo ‘kifo cha mende’.

Lakini, tulijikwaa wapi? Ni nini, na vipi tukajikuta katika mkwamo huu? Tuelewe kuwa Bunge Maalumu ndio chombo kitakachopitisha ile Rasimu ya Katiba ambayo hatimaye itapigiwa kura ya maoni. Hivyo ndivyo inavyosema Sheria ya Mabadiliko ya Katiba katika ‘Sehemu ya Sita’.

Kwa hiyo, kisheria, hata kisiasa, Bunge Maalum ni sehemu nyeti na muhimu katika mchakato mzima wa kupata Katiba Mpya, Katiba ambayo itarekebisha ule upungufu, uliomo katika ‘Sheria Mama’ iliyopo. Na kwa kufanya hivyo, kuhitimisha mambo mawili: Kuandika Katiba Mpya na kusimika misingi mipya ya utawala (bora) wa Taifa letu.

Kwa mtazamo wangu, na kwa ujumla wake, tulianza vibaya! Na hili linajidhihirisha tukikubali tathmini ifuatayo. Uzoefu unaonyesha kuwa uongozi wa nchi ulikuwa na dhamira thabiti kukabili upungufu sugu ya ‘Sheria Mama’ uliopo. Kwamba, badala ya kuendelea na utaratibu wa ‘kupiga viraka’ Katiba iliyopo ya 1977, ni bora tukachanja mbuga mpya, kwa mantiki ya mchakato mpya, na mpana zaidi, wa kupata mustakabali mpya wa Katiba. Na ndiyo maana kila mtu aliyeisikia ile kauli ya Rais Kikwete siku ile ya Desemba 2010, alijawa na faraja na matumaini makubwa. Sikumbuki kusikia hata sauti moja ya kupinga wala kuhoji kauli lile.

Lakini uzoefu umekuja kutonyesha kuwa ‘dhamira’ ilikuwa kionjo muhimu, lakini siyo pekee, katika kufanikisha zoezi la kupatikana Katiba Mpya na iliyo bora zaidi, kwani hata safari ya kwenda jehanamu, inapitia juu ya njia ya ‘dhamira njema’!

Tulianza vibaya pia, kwa kuchomeka kwenye Sheria ya Mabadiliko ya Katiba, Kifungu 36 (5). Kinanena: “Endapo wingi wa kura ya maoni utakuwa ni ‘Hapana’, Katiba ya Jamhuri ya Muungano wa Tanzania ya mwaka 1977, itaendelea kutumika”

Je, huu si uchuro (nuksi)? Inakuwaje tunakiri kuwa ‘Sheria Mama’ iliyopo ina upungufu wa kimsingi, na papo hapo kuweka uwezekano wa kisheria wa ‘kumeza matapishi yetu’? Taifa limeingia gharama kubwa ajabu (inasemekana, ni zaidi ya Sh100 billioni), lakini hatima ya yote, ni kujikuta pale pale tulipokuwa (‘back to square one’), kabla ya mchakato kuanza!

Ukiachilia mbali uchuro huo, ushahidi zaidi wa jinsi tulivyoaanza vibaya, uko pia katika mambo mawili makuu yafuatayo. Mosi, tulikwepa kujipa nafasi ya kuijadili kwa pamoja na kwa kina, ‘Sheria Mama’ iliyopo. Kwa kujinyima fursa hiyo, tulijinyima nafasi ya kuwa na maridhiano kuhusu ni kipi kizuri kwenye Katiba ya mwaka 1977 (na kwa hiyo kinahitaji kulindwa, na kuendelezwa), na ni masuala gani yamegubikwa na utata (na hivyo, yajadiliwe kinagaubaga, mwuafaka upatikane na tusonge mbele). Hili pengine ndio lingetusukuma kujiuliza, na kupata mwafaka wa swali nyeti: Muungano umekuja na faida gani kwetu sote? Tuendelee kuuenzi Muungano kwa mikakati ipi?
‘Kosa siyo kufanya kosa. Kosa ni kurudia kosa’. Na wala kuanguka sio dhambi, ili mradi utafute pale ulipojikwaa. Tukifanya hivyo, tutaweza kujikwamua. ‘Kosa’ letu kubwa kwa mantiki hii, ni ‘kuanza vibaya’. Mosi, tumeingia kwenye mchakato wa kutafuta Katiba Mpya, pasi kuichambua ‘Sheria Mama’ iliyopo, ili kubaini na kukubaliana juu ya nini hasa kiwe ‘moyo’ wa hiyo Katiba mpya tuitakayo. Pili, mchakato umesimikwa kwenye Sheria (Sura ya 83) yenye utata wa kisheria na wa kisiasa. Tatu, badala ya ‘Bunge Maalum la Katiba’ tumeunda ‘Bunge Maalum la Wanasiasa’. Nne, dhamira njema ya kupata Katiba mpya, imetiwa nuksi na Kifungu 35 (6) cha Sheria ya Mabadiliko ya Katiba.
Chanzo;Mwananchi

`JAMII FICHUENI MTANDAO WA UFADHILI MAUAJI ALBINO`

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Mwenyekiti Mtendaji wa IPP, Dk. Reginald Mengi

 

Maaskofu na mamia ya wanawake kutoka mikoa mbalimbali nchini wanaohudhuria kongamano la maombi katika mji mdogo wa Makambako mkoani Njombe, wameitaka jamii nchini kusaidia kuufichua   mtandao wa wafanyabiashara wanaofadhili wauaji wa watu wenye ulemavu wa ngozi (albino).
Kauli ya Maaskofu na wanamaombi hao imekuja siku mbili tangu Mwenyekiti Mtendaji wa IPP, Dk. Reginald Mengi, kuelezea masikitiko yake juu ya vitendo viovu wanaofanyiwa watu wenye ulemavu wa ngozi.
Baadhi ya mikoa waliyotoka maaskofu na wanamaombi hao ni ya Mbeya, Iringa, Mwanza, Shinyanga, Tanga, Kilimanjaro, Mara, Arusha, Morogoro, Ruvuma, Dodoma na Rukwa.
Maaskofu na wanawake hao, wamewalaani wauaji na watu wanaoufadhili mtandao huo wakisema   wanajulikana kwani wanaishi hapa nchini.
"Sisi tunaamini kama viongozi wa serikali watasimamia kikamilifu kukabiliana na unyama huu wa mauaji ya albino, itashinda," ilisema sehemu ya tamko lao lililosomwa na Askofu Msaidizi wa Kanisa la Kiinjili la Kipentekoste nchini, Mchungaji William Mwamalanga.
Aidha, wamemuomba Rais Jakaya Kikwete, kutangaza mauaji ya albino janga la kitaifa.
 

CHANZO: NIPASHE