imetosha

imetosha

Irene Paul na Mzee Chilo ndani ya uzinduzi wa narudi Bongo‏

Mwigizaji Mkuu wa Filamu hiyo Ernest Rwandalla akiwa na wadau waliojitokeza kwenye uzinduzi

Akiwa na baadhi ya wasanii waliojitokeza

Akihojiwa na waandishi wa habari

Uzinduzi ulifanyika katika Bustani ya Wanyama ya Bahari Zoo iliyopo Tegete

Mzee Chilo akiwa na mwigizaji Mkuu wa filamu hiyo

Irene Paul nae alikuwapo pia kushuhudia uzinduzi huo

It was a happy day

Na Mwandishi Wetu
FILAMU Going Bongo ilizinduliwa rasmi juzi na kuhudhuriwa na mamia ya wadau wa filamu nchini, ulifanyika katika eneo la Bahari Zoo.


Akizungumza na waandishi wa habari baada ya kuizindua filamu hiyo, Mwigizaji Mkuu wa Going Bongo Ernest Rwandalla  alisema kuwa filamu hiyo imeshaanza kuoneshwa kimataifa zaidi kwa kuwa watu mbalimbali duniani wameanza kuifuatilia kwa njia ya I tune.


Alisema kuwa ni filamu ambayo inahusiana na suala la afya kwa hapa nchini ambapo inamuonesha mwigizaji kutoka Marekani ambae ni yeye akifanya kazi hapa nchini ya masuala ya Afya.


Alisema kuwa inaonesha ni kwa kiasi gani kuna thamani katika sekta hiyo na yeye akiwa kama mhusika mkuu ameamua kuigiza hivyo ili kuzionesha changamoto mbalimbali za sekta ya afya hapa nchini.
Alisema kuwa imetumia zaidi ya mwaka mmoja na nusu kuikamilisha filamu hiyo na kuwa imehusisha wasanii mbalimbali wa ndani ya nchi pia.


Alisema kuwa imehusisha maeneo kama vile Kariakoo, Sinza na kwengineko huku mahala ambapo palikuwa pakitumiwa kama hospitali ni Mwananyamala.


Alisema kuwa kwa upande wake anaona kuwa kwa sasa kuna mafanikio makubwa katika sekta ya uigizaji hapa nchini kwa kuwa wasanii wengi wanaonesha hali ya kujituma na kufanya kazi yao kwa umakini zaidi.


" Going Bongo ni filamu ambayo inaweza kuandika historia mpya katika ulimwengu wa sanaa ya uigizaji kwa Tanzania kwa kuwa hadi sasa wapo watu wengi ambao wameanza kuiangalia filamu hii ndani na nje ya nchi" alisema.


Kwa upande wake mwigizaji mahiri wa filamu, Ahmed Olotu, Mzee Chilo ambae nae ameigiza kama mmoja kati ya wataalamu wa afya alisema kuwa filamu hiyo inaweza kuitangaza Tanzania kimataifa zaidi.


" Hii ni filamu ambayo imeigizwa vema na ikiwa na kila umakini katika kuigiza na kuandikwa kwake na hata mpangilio wa habari ni mzuri pia" alisema Mzee Chiro.
 Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

TANGAZO MUHIMU: UBORESHAJI WA DAFTARI LA KUDUMU LA WAPIGA KURA MKOANI NJOMBE

  
Tume ya Taifa ya Uchaguzi inawatangazia wananchi wote wa Mkoa wa Njombe kuwa itaanza zoezi la Uboreshaji wa Daftari la Kudumu la Wapiga Kura  kwa kutumia teknolojia ya “Biometric Voters Registration” kuanzia tarehe 23/02/2015 hadi tarehe 01/03/2015
Vituo vya Uandikishaji vitakuwa kwenye Vijiji, Vitongoji na Mitaa.
 Watakaohusika katika zoezi hili ni wananchi wote:-
·        Waliotimiza umri wa Miaka 18 na  kuendelea  na wale wote  watakaotimiza miaka 18 ifikapo mwezi Oktoba, 2015.
·        Waliojiandikisha awali kwenye Daftari la Kudumu la Wapiga Kura la zamani ili kuhuisha taarifa zao na kupata kadi mpya za kupigia kura.
·        Wale wote ambao wanazo sifa za kujiandikisha  lakini hawajawahi kujiandikisha kwenye Daftari.
Zoezi litaanza kufanyika Wilayani Njombe katika Halmashauri ya Mji Mdogo wa Makambako.
Tume ya Taifa ya Uchaguzi inasisitiza wananchi wote wa Mji Mdogo wa Makambako  kujitokeza kwa wingi kuanzia tarehe 23/2/2015 mpaka  tarehe 01/03/2015 kujiandikisha katika Daftari la Kudumu la Wapiga Kura ili kuwawezesha kupiga Kura ya Maoni na kuchagua Viongozi wao katika Uchaguzi Mkuu wa mwaka huu 2015.
Kumbuka:-
Hutaweza kupiga Kura ya Maoni au Kupiga Kura wakati wa Uchaguzi Mkuu kama utakuwa hujajiandikisha katika Daftari la Kudumu la Wapiga Kura. Nenda kajiandikishe sasa.

       Tangazo hili limetolewa na Tume ya Taifa ya Uchaguzi, S.L.P. 10923, Dar es Salaam


Tume ya Taifa ya Uchaguzi inawatangazia wananchi wote wa Mkoa wa Njombe,Halmashauri ya Mji mdogo wa Makambako kuwa itaanza zoezi la Uboreshaji wa Daftari la Kudumu la Wapiga Kura kwa kutumia teknolojia ya “Biometric Voters Registration” kuanzia tarehe 23/02/2015 hadi tarehe 01/03/2015 katika kata ya Kitisi, Kivavi, Lyamkena, Maguvani, Majengo, Makambako, Mjimwema, Mlowa, na Mwembetogwa. Kata ya Kitandililo utafanyika tarehe 03 -09/03/2015. Kata ya Mahongole tarehe 11-17/03/2015 na Kata ya Utengule uboreshaji utafanyika tarehe 19 – 25/03/2015.
Vituo vya Uandikishaji vitakuwa kwenye Vijiji, Vitongoji na Mitaa
 Watakaohusika katika zoezi hili ni wananchi wote:-
·        Waliotimiza umri wa Miaka 18 na  kuendelea  na wale wote  watakaotimiza miaka 18 ifikapo mwezi Oktoba, 2015.
·        Waliojiandikisha awali kwenye Daftari la Kudumu la Wapiga Kura la zamani ili kuhuisha taarifa zao na kupata kadi mpya za kupigia kura.
·        Wale wote ambao wanazo sifa za kujiandikisha  lakini hawajawahi kujiandikisha kwenye Daftari
Zoezi litaanza kufanyika Mkoani Njombe katika Halmashauri ya Mji wa Makambako na Mji wa Njombe.
Tume ya Taifa ya Uchaguzi inasisitiza wananchi wote wa Mji Mdogo wa Makambako  kujitokeza kwa wingi kuanzia tarehe 23/2/2015 mpaka  tarehe 25/03/2015 kujiandikisha katika Daftari la Kudumu la Wapiga Kura ili kuwawezesha kupiga Kura ya Maoni na kuchagua Viongozi wao katika Uchaguzi Mkuu wa mwaka huu 2015.
Vituo vya kujiandikisha vitafunguliwa kuanzia saa 2:00 Asubuhi na kufungwa saa 12:00 jioni
Kumbuka:-
Hutaweza kupiga Kura ya Maoni au Kupiga Kura wakati wa Uchaguzi Mkuu kama utakuwa hujajiandikisha katika Daftari la Kudumu la Wapiga Kura. Nenda kajiandikishe sasa.

Ruth Masham
Kny: Mkurugenzi wa Tume ya Taifa ya Uchaguzi


Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

TAARIFA KWA UMMA KUHUSU MUINGILIANO WA MASAFA YA EATV NA ITV KUPITIA KING’AMUZI CHA KAMPUNI YA STAR MEDIA KATIKA KITUO CHA KUSAMBAZA MATANGAZO MAKONGO JUU

TAARIFA HII NI KWA LUGHA YA KISWAHILI NA KIINGELEZA 


Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

TUSHIRIKIANE KUWAWEZESHA WANANCHI KIUCHUMI - NAGU

 
Waziri wa Nchi, Ofisi ya Waziri Mkuu (Uwekezaji na Uwezeshaji), Dk. Mary Nagu.
 
Waziri wa Nchi, Ofisi ya Waziri Mkuu (Uwekezaji na Uwezeshaji), Dk. Mary Nagu, amesema kazi ya kuwawezesha wananchi kiuchumi si ya serikali pekee hivyo wadau malimbali na taasisi za fedha zinapaswa kutumia sehemu ya faida yake kuwasaidia wananchi kujikwamua kiuchumi.
 
Aliyasema hayo ofisini kwake jijini Dar es Salaam jana wakati wa kikao cha kazi baina yake na Wajumbe wa Baraza la Uwezeshaji la Baraza la Taifa la Uwezeshaji Wananchi Kiuchumi (NEEC), akiwamo Katibu Mtendaji wa Baraza hilo, Beng’i  Issa na Mwenyekiti wa Bodi, Omari Issa.
 
Baadhi ya ajenda kwenye kikao hicho ilikuwa ni kupata na kujadili taarifa ya uwezeshaji wananchi kiuchumi Tanzania, fedha za mpango wa uwezeshaji wananchi kiuchumi na kuongeza ajira na uzinduzi wa mkakati wa sekta mbalimbali wa uwezeshaji wananchi kiuchumi.
 
Dk. Nagu alitoa wito kwa NEEC kukutana na Chama cha Wenye Benki nchini na kuwashawishi waone umuhimu wa kutumia sehemu ya faida yao katika kuwawezesha wananchi kiuchumi kwenye miradi ya biashara.
 
“Tangu mfuko wa uwekezaji uanzishwe, haukui na sababu ni kwamba unategemea chanzo kimoja tu serikali, sasa lazima tuondokane na mawazo ya kuitegemea serikali tu tuwe na vyanzo vingine vya mapato na tukikutana na kuwashirikisha wadau mbalimbali, naamini watakuwa tayari kuchangia jitihada hizi za serikali,” alisema.
 
Aidha, alisema vikundi vya kuweka na kukopa maarufu kama vicoba, vikisimamiwa na kuendeshwa  vizuri, vitakuwa mkombozi mkubwa wa uchumi wa Tanzania na kuwakwamua wananchi wengi kuondokana na tatizo la umaskini kwa kuanzisha miradi.
 
Waziri Nagu alisema kuna ushahidi wa baadhi ya wananchi walioanzisha na kusimamia vizuri vicoba na hivi sasa wana mitaji mikubwa inayowawezesha kufanya biashara kubwa na kuongeza mitaji.
 
“Kuna mfano dhahiri wa kikundi cha watu 30 ambao wamefanikiwa kukusanya Sh. milioni 300 ndani ya muda mfupi, sasa kama watu 30 tu wanaweza kukusanya kiasi hicho cha fedha, si jambo la kubeza, inaonyesha kwamba tukivisimamia vizuri vitawakomboa wananchi wengi kiuchumi,” alisema.
 
Alisema iwapo wananchi watajiunga na vicoba na kuwekeza kwenye miradi inayowapa faida ni dhahiri wananchi wengi watakata tamaa ya kujiunga na vikundi hivyo lakini kama vitakuwa vikijiendesha kwa hasara hakuna atakayejiunga.
 
"Kwa bahati nzuri vicoba ni watu wanaofahamiana na wanaoaminiana na wakipata mwongozo mzuri naamini kabisa watafika mbali zaidi, ndiyo sababu nimeona umuhimu wa kumjumuisha Mwenyekiti wao Taifa, Devotha Likokola, kwenye baraza hili, kwa sababu naamini kabisa kupitia Vicoba tunaweza kufika mbali zaidi kiuchumi,” alisem Dk. Nagu.
CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

AIBU NYUMBA ZA WAKUBWA KUTUNZA MIHADARATI

Tanzania imekuwa katika vita ngumu ya kupambana na matatizo mbalimbali yanayoisumbua, yakiwamo ya kiuchumi, kijamii na hata kisiasa.
Katika baadhi ya nyakati, matatizo hayo yamegeuka kuwa kikwazo kwenye azma ya kuwapa maendeleo na ustawi wananchi.
Pamoja na matatizo hayo, siku za karibuni na pengine miaka michache iliyopita, biashara za dawa za kulevya imegeuka adui anayeichachafya nchi.
Kwa kiasi kikubwa, biashara hii ambayo inaonekana dhahiri kuwa inahusisha wengi, wakiwamo watu wazima na hata watoto na wengine vijana wasomi wazuri, imegeuka vita ambayo kama nchi ijihesabu kuwa imeshindwa kuidhibiti.
Hatuchelei kusema nchi yetu imeshindwa vita ya kupambana na biashara hii ya dawa za kulevya kutokana na kauli lukuki za baadhi ya viongozi wetu wa kisiasa wa ngazi mbalimbali pamoja na juhudi zinazofanyika kuhakikisha biashara hiyo inakomeshwa.
Ipo mifano michache ya jinsi ambavyo biashara hiyo imekuwa ikiendelea kuisumbua nchi yetu katika siku za karibuni na hata watu wake, ikisababisha ongezeko la vijana kugeuka watumiaji, wauzaji.
Tumeeleza awali kuwa Tanzania inapigana vita hii ikiwa kama tayari imeshindwa, hasa kwa kuzingatia ukweli kwamba baadhi ya viongozi wamekuwa wakituhumiwa kujihusisha nayo, lakini hawachukuliwi hatua zozote licha ya kuambiwa kuwa wanajulikana.
Ni bahati mbaya zaidi kuona kauli za baadhi ya viongozi wetu zikiendelea kusikika, zikiwataja wahusika wa biashara hii kuwa wanajulikana, lakini kwa nini hawakamatwi?
Bahati mbaya, baadhi ya vijana wetu ambao ni nguvukazi muhimu ndio watumiaji, wasafirishaji na hata wauzaji wa dawa hizo, huku baadhi yao wakikamatwa na wengine kuhukumiwa vifungo vya muda mrefu au kunyongwa nje ya mipaka ya nchi yetu.
Hukumu hizo chache kati yake zimefahamika, kuripotiwa kwenye vyombo vya habari nchini au nje ya mipaka ya nchi, lakini zinachafua, kutia doa jina zuri ambalo nchi yetu imejijengea kwa miaka mingi iliyopita. Inafaa viongozi watuambie, ni kwa nini kama nchi tumeshindwa kudhibiti biashara hii ya dawa za kulevya kama wahusika wanajulikana?
Jeshi la Polisi, Kitengo cha Dawa za Kulevya wametueleza kuwa baadhi ya nyumba za wakubwa ndizo zinazotumika kama maficho au vichaka vya biashara hii.
Tunawaamini polisi, walilolisema ni kweli wanawajua wamiliki wa nyumba zile ambao ni wakubwa, lakini tunawauliza wamewachukulia hatua gani ili maficho au vichaka hivyo vya dawa kulevya yaondolewe?
Hakuna shaka, polisi wanaufahamu ukweli wa mtandao huo wa dawa za kulevya, viongozi au wakubwa waliojenga au kumiliki nyumba hizo, ambao hawaishi ndani yake bali wamezipangisha kwa wengine ambao wamezigeuza maficho ya biashara ya dawa za kulevya.
Kama hivyo ndivyo, tunawashauri kuwa badala ya kulalamika, wachukue hatua kwa mujibu wa Sheria ya Dawa za Kulevya, ambayo wanaikariri kuwa inawapa mamlaka ya kuwafikisha wahusika kwenye vyombo vya sheria ambako huchukuliwa hatua zikiwamo za kufungwa maisha au mali zao kufilisiwa.
Tunawashauri viongozi wetu wa kisiasa, vyombo vya dola au ulinzi na usalama wachukue hatua kukomesha tatizo hilo.
Tunadhani, kwa kufanya hivyo, wafanyabiashara wa dawa za kulevya kama ni wapangaji kwenye nyumba hizo za wakubwa, wabanwe wawataje wahusika ili mtandao huo uvunjwe.
Chanzo:Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

SIMU ZINAVYOSHAWISHI MAPENZI KWA WANAFUNZI

Tangu teknolojia ya mawasiliano ya simu za mkononi ilipoingia nchini, mambo mengi katika jamii, ukiwamo mfumo mzima wa maendeleo na namna ya kuishi, yamebadilika.
Teknolojia hiyo imeondoa usumbufu uliokuwapo awali, mtu alikuwa analazimika kukaa muda mrefu kusubiri kuunganishiwa simu posta na baadaye katika Kampuni ya Mawasiliano ya Simu Tanzania (TTCL). Hata baada ya kupata mawasiliano bado usikivu ulikuwa hafifu licha ya kupiga kelele sana.
Si hivyo tu, watu walikuwa wanalazimika kufika mjini au miji maarufu kwa ajili ya kusaka mawasiliano ya simu. Pia, wengi walikosa.
Kutokana na gharama kubwa ya simu wakati ule, haikuwa rahisi kwa wanafunzi kuzifikia. Wale waliomudu kupiga walikuwa watoto wa viongozi au wenye uwezo mkubwa.
Leo ni tofauti. Simu za mkononi zimeondoa ukiritimba huo kiasi kwamba watu wengi mjini na vijijini wanamiliki na kufanya mawasiliano wakati wowote na bila kuzuiwa. Ubora wa teknolojia hiyo, ambayo vijana wanaita mtandao, ni kwamba mtu anaweza kuzungumza kwa sauti ya chini hata jirani yake asisikie.
Teknolojia hiyo ina faida kadhaa; imerahisisha muda wa mawasiliano, imeongeza ufanisi katika biashara na kazi. Lakini pia imechangia uvunjifu wa maadili hasa upande wa wanafunzi.
Uchunguzi unaonyesha kwamba japokuwa hakuna sheria iliyotungwa kuwabana wanafunzi kumiliki na kutumia simu katika mazingira ya shule, baadhi ya shule zimeweka taratibu za kuwabana.
Mwanya huo ndio unatumiwa na baadhi ya wazazi kuwapa simu watoto wao kwa madai watumie kuwajulisha wazazi ikiwa wamepata matatizo.
Lengo hilo ni zuri, lakini uchunguzi unaonyesha wengi wao hutumia katika mawasiliano ya hovyo na kupanga miadi ya utovu wa maadili na wavulana au wanaowaita wapenzi wao. Waathirika wakubwa katika mlolongo wote ni wasichana.
Pia, uchunguzi unaonyesha wanafunzi wasichana ambao wazazi wao hawana uwezo wa kuwanunulia simu hupata vishawishi vya kujiingiza katika mahusiano ya kimapenzi na wavulana ili wanunuliwe simu. Madhara yake huwa ni mimba na kisha kufukuzwa shule.
Udhibiti mdogo
Udhibiti mdogo wa wazazi kuhusu mienendo ya watoto wao ndio umesababisha kubaki wakishuhudia simu za thamani ya hadi Sh200,000 zikimilikiwa na mabinti wao badala ya zile za Sh15,000 ambazo hazina mvuto.
Baadhi ya shule za sekondari kama Ndwika ya Lindi, Mara na Benjamin Mkapa zimeweka sheria kuzuia umiliki wa simu. Aliyekuwa kiranja mkuu wa Mara Sekondari aliadhibiwa kwa kukiuka sheria hizo na alipokataa kikawa chanzo cha vurugu na uharibifu shuleni, akafukuzwa shule.
Uongozi wa Jitegemee Sekondari umeweka sheria kuwa mwanafunzi yeyote atakayekutwa na simu eneo la shule atanyanganywa na mwisho wa muhula simu zote huuzwa kwa mnada mbali ya adhabu nyingine.
Utaratibu huo wa adhabu kali umesaidia kupunguza tatizo hilo na uongozi unaamini umechangia kuzuia wanafunzi wa kike kufanya mawasiliano ya kimapenzi.
Viongozi wa shule wanaamini hatua hizo inawazuia wanafunzi wa kike kujiingiza katika ngono zembe na wengine kupata mimba pamoja na magonjwa ya zinaa kwa lengo tu la kupata simu.
Maoni ya wazazi, walimu na hata wanafunzi ni kwamba Wizara ya Elimu na Mafunzo ya Ufundi iweke sheria kwa shule zote wanafunzi wasiruhusiwe kumiliki simu pindi wanapokuwa shuleni.
Kuwapo kwa sheria hiyo kutatoa uwiano sawa wa kosa hilo kwa wanafunzi wa shule zote za Serikali na za binafsi ambazo zaidi ya asilimia 80 ya wanafunzi wanamiliki simu tena za thamani.
Katika shule za Serikali mwenye simu hata ya Sh45,000 au Sh35,000 anaonekana wa tabaka la juu.
Kwa hiyo, japokuwa mtandao umekuwa moja ya nyanja kuu za mawasiliano katika maisha ya leo, pale unapotumiwa vibaya na wanafunzi, matokeo yake huwa mabaya kama kujiingiza katika biashara haramu ili wapate pesa za kununulia na wengine kujiingiza katika vishawishi vya mapenzi na wanaume kwa lengo la kununuliwa mtandao.
 Chanzo:Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

FAMILIA YA MSWEMWA YATUMIA MILIONI 100 KUSAIDIA JAMII YA WANANJOMBE‏


Mkurugenzi  wa Hotel ya  Miriam Njombe  Bw Ditram Msemwa wa sita  kushoto akimpongeza  Bw Ngamanga  kwa  uzinduzi wa  kitabu  chake
Mkurugenzi  wa  Hotel ya  Miriam Njombe Bw Ditram Msemwa akizungumza katika hafla ya  kufunga mwaka
Baadhi ya  vijana  wanaonufaika na fursa   hiyo
Baadhi ya  wanafamilia na  wadau mbali  mbali
washiriki  wakifuatilia hafla  hiyo
Mkurugenzi wa taasisi ya  Mafanikio  foundation for  personal development na  mratibu  wa raslimali watu Bw Michael uhahula akitoa  maelezo  mafupi kabla ya  mgeni rasmi
Mgeni  rasmi  katika  hafla  hiyo  Adam Ngamanga  kutoka Afrika ya  kusini akifungua hafla hiyo
Mkurugenzi  wa  Hotel ya  Miriam akifuatilia hotuba  ya  ufunguzi
Baadhi ya  washiriki  wakiwa  katika  hafla    hiyo
baadhi ya  washiriki wa hafla hiyo  wakiungana na Mkurugenzi  wa Hotel ya  Miriam Njombe  Bw Ditram Msemwa wa sita  kushoto  akiungana na mgeni rasmi  Bw Ngamanga  kuzindua  kitabu  cha  Jitambue kilichoandikwa na Ngamanga wa katikati ,

Hiki ndicho  kitambu   cha  jitambue
Mwigizaji maarufu nchini Bw ras   katikati akiwa na  kitabu  hicho
Na Matukiodaimablog

KIASI  cha  Tsh  milioni 100  zimetumika   kusaidia   kusomesha  familia zenye  shida na  kutoa  mitaji ya  Tsh milioni 20  kwa  kila  kijana mwenye  ndoto ya  kujiendeleza  katika familia ya Msemwa na nje ya wanafamilia  hao wilayani Njombe mkoani Njombe.

 Akizungumza  katika hafla  fupi iliyofanyika  jana  katika  ukumbi wa  Hotel ya  Miriam Njombe mkurugenzi  wa Hotel ya  Miriam   Bw Ditram Msemwa alisema  kuwa  wameanzisha utaratibu   huo ambao  uliamnza  ndani ya  familia  kwa  dhana ya  kusaidiana  kimaisha  ila  kwa sasa  wameendelea  kupanua  wigo zaidi kwa  kusaidia jamii nyingine ya  wana Njombe.

"Tilianza kusaiodiana kama  familia kwa  kupeana  mitaji na  pesa za  kusomesha  watoto  ila  sasa  tumepanua  wigo kwa  kusaidia  wengine wa nje ya  familia na lengo letu kuona  Njombe inakuwa na  vijana  wasomi  wengi  zaidi"

Hata  hivyo wanamapango  wa kuanzisha  taasisi  kamili  ambayo  itafanya kazi  ya  kuisaidia jamii ya  wana Njombe  ili kuondokana na  dhana  iliyojengeka toka kwa  baadhi ya  viongozi ambao  wamekuwa  hawapendi  kurudi  kusaidia kwao  baada  ya kupata nafasi ya  uongozi.


Pia  mkurugenzi huyo alimpongeza  mkazi wa Njombe Bw Ngamanga  ambae  kwa  sasa anaishi  nchini Afrika ya  kusini kwa  kuendelea  kuwakilisha  vema  mkoa wa Njombe kwa  kutoa elimu kupitia  kitabu chake  cha  jitambue  ambacho  kimezinduliwa Njombe  na kutaka  vijana   wengine  kuiga mfano  huo .

Kuhusu  mitaji inayotolewa  alisema  kuwa  kila mwaka  wameweka  utaratibu wa  kutoa mtaji wa Tsh milioni 20 kwa  mtu mmoja  ili  kufanya  biashara  pamoja na  kusomesha   watoto  na  kuwa  toka  wameanza mpango huo  kiasi cha Tsh milioni 100  zimetolewa .







Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

‘WANAUME MNAOPIGWA NA WAKE ZENU JITOKEZENI’

 
 Ni nadra kusikia mwanamume akilalamika kuwa amepigwa na mke au mwenza wake. Suala hilo ni adimu zaidi katika nchi za Afrika hasa zilizo Kusini mwa Jangwa la Sahara ambazo zimefunikwa na blanketi la mfumo dume.
Kutokana na kile kinachodaiwa kuwa ni woga, aibu na kasumba ya mfumo dume, wanaume wanaonyanyaswa wamekuwa wakificha aibu hiyo na kuendelea kubaki katika unyanyasaji huo.
Kutokana na ongezeko la matukio ya wanaume kunyanyaswa na wake au wenza, Chama cha Wanasheria Wanawake Tanzania, (Tawla) kimetoa wito kwa wanaume kujitokeza ili kupata msaada wa kisheria pindi wanaponyanyaswa.
Mwenyekiti wa asasi zisizo za kiserikali za katiba na jinsia, (Zec) zinazoratibiwa na Tawla, Victoria Mandari anasema matukio hayo ni mengi lakini wanaume wamekuwa wakiyafanya kuwa siri pengine kwa kuona aibu.
“Wanaume watafute chama kitakachowasaidia kutetea haki zao na kutengeneza hata sheria ambazo zitawasaidia kupata haki zao,” anasema. Anasema sheria zinasema kuwa asiwepo mwanandoa anayemnyanyasa mwenzake kijinsia, hivyo basi hata wanaume nao hawatakiwi kunyanyaswa.
“Tatizo ni kuwa wanaume hawajitokezi wanaponyanyaswa, waseme ili wasaidiwe,” anasema.
Matukio ya wanaume kunyanyaswa na wake zao yameendelea kutokea huku wanaume wakidai kuwa unyanyasaji huo unachochewa na wingi wa vyama, asasi, na mashirika yanayotetea haki za wanawake pekee.
Mwaka jana, Naibu Kamishna wa Polisi, Adolphina Chialo alisema wanaume wengi sasa wanakwenda kushtaki katika madawati ya kijinsia ya polisi pale wanaponyanyaswa.
Inaelezwa kuwa hata wanawake wanaowanyima unyumba waume zao bila sababu maalumu nao wanafanya unyanyasaji wa kijinsia.
Kamishna Chialo anasema wapo wanaume wanaofika vituo vya polisi wakiwa na majeraha baada ya kupigwa na wake zao.
Katiba Inayopendekezwa
Pamoja na unyanyasaji kwa wanaume, wanasheria hao walizungumzia Katiba Inayopendekezwa na kusema kuwa licha ya kupingwa na taasisi nyingi za kijinsia na kisheria nchini, kwa upande wao imezingatia masuala ya jinsia ambayo awali, hayakutambuliwa katika Katiba ya sasa.
Mandari anasema maoni yaliyotolewa na chama hicho katika Katiba Mpya yalifanyiwa kazi.
“Tumeona mambo mengi ambayo tuliyasema wakati wa kukusanya maoni kwa mfano, Katiba Inayopendekezwa sasa inatambua kabisa masuala ya ndoa, umri sahihi wa ndoa na umiliki wa mali,” anasema.
Anasema Katiba ya mwaka 1977 iliruhusu ndoa kwa msichana wa miaka 14 suala analosema liliwanyima mabinti haki ya kusoma na kuchochea unyanyasaji wa kijinsia.
“Ile sheria haikuwa nzuri kabisa, hebu fikiria mtoto mdogo anaingia katika ndoa wakati hata maumbile yake bado ni madogo, hata kura hawezi kupiga lakini anakuwa mke wa mtu,” anasema
Anasema zaidi jinsi Katiba Inayopendekezwa ilivyoyafanyia kazi maoni yao yaliyohusu haki za wanawake na kusema kwa sasa kuna marekebisho ya sheria ya kimila ambayo katiba ya zamani haikumtambua mtoto wa kike kama mrithi wa mali isiyohamishika jambo ambalo kwa sasa halipo.
Aidha, anasema sheria nyingi zilizokuwapo katika katiba ya zamani zilionekana kukinzana. Kwa mfano, sheria hizo hazikufafanua mtoto ni nani na ana haki gani na kwa upande mwingine zikiruhusu mtoto kufunga ndoa.
“Tulitumia fursa hii vyema kwa sababu tulijua kabisa katiba ni moyo na ikitengenezwa basi kuibadili huwa ni kazi vigumu lakini tunashukuru maoni yetu yalifanyiwa kazi,” anasema
Katika kuhakikisha wanatoa maoni bora ya katiba, Tawla walitembelea nchi za Afrika Mashariki ili kujifunza jinsi ambavyo nchi hizo ziliunda katiba yenye manufaa hasa kwa upande wa haki za kijinsia.
“Tulijifunza kwa kina kabla ya kutoa maoni yetu, hatukutembea Afrika Mashariki tu, bali tulifika hata Afrika Kusini nia ilikuwa ni kuhakikisha mwanamke anatambulika na anakuwa na fursa katika katiba hii,” anasema.
Mwanasheria, Cecilia Assey anawaasa wanawake kuacha woga pindi wanapokumbana na unyanyasaji kutoka kwa waume, wenza au wanajamii kwani sheria zipo.
“Hapa tunapata elimu kuhusu katiba na masuala ya jinsia lakini baada ya mafunzo haya tutaendelea na kazi ya kuwasaidia wanawake wanaokumbana na changamoto katika jamii,” anasema.
Chanzo:Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

MAKAMU WA RAIS DKT. BILAL KATIKA MAADHIMISHO YA SIKU YA UKIMWI DUNIANI, KITAIFA MKOANI NJOMBE


  Mguu sawa.....
 Baadhi ya wandamani wakipita mbele ya jukwaa kuu na mabango yenye ujumbe mbalimbali kuhusu siku ya Ukimwi Duniani wakati wa sherehe hizo zilizofanyika Kitaifa katika Uwanja wa Sabasaba Mkoani Njombe  jana.
  Wandamani wakipita mbele ya jukwaa kuu na mabango yenye ujumbe mbalimbali kuhusu siku ya Ukimwi Duniani wakati wa sherehe hizo zilizofanyika Kitaifa katika Uwanja wa Sabasaba Mkoani Njombe Jana 
  wandamani wakipita mbele ya jukwaa kuu na mabango yenye ujumbe mbalimbali kuhusu siku ya Ukimwi Duniani wakati wa sherehe hizo zilizofanyika Kitaifa katika Uwanja wa Sabasaba Mkoani Njombe jana
  Baadhi ya wandamani wakipita mbele ya jukwaa kuu na mabango yenye ujumbe mbalimbali kuhusu siku ya Ukimwi Duniani wakati wa sherehe hizo zilizofanyika Kitaifa katika Uwanja wa Sabasaba Mkoani Njombe jana
  wandamani wakipita mbele ya jukwaa kuu na mabango yenye ujumbe mbalimbali kuhusu siku ya Ukimwi Duniani wakati wa sherehe hizo zilizofanyika Kitaifa katika Uwanja wa Sabasaba Mkoani Njombe  jana.
 Wandamani wakipita mbele ya jukwaa kuu na mabango yenye ujumbe mbalimbali kuhusu siku ya Ukimwi Duniani wakati wa sherehe hizo zilizofanyika Kitaifa katika Uwanja wa Sabasaba Mkoani Njombe jana.
  wandamani wakipita mbele ya jukwaa kuu na mabango yenye ujumbe mbalimbali kuhusu siku ya Ukimwi Duniani wakati wa sherehe hizo zilizofanyika Kitaifa katika Uwanja wa Sabasaba Mkoani Njombe jana
  Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, Mkuu wa mkoa wa Njombe, Dkt. Rehema Nchimbi, kwa pamoja wakisimama kupokea maandamano wakati wa sherehe za Maadhimisho ya siku ya Ukimwi Duniani iliyofanyika  jana Desemba 1, 2014 Kitaifa kwenye Uwanja wa Sabasaba Mkoani Njombe.
  Mkuu wa Mkoa wa Njombe, Dkt. Rehema Nchimbi, akijumuika na wasanii wa Kikundi cha Sanaa cha Kanisa la KKKT, wakati wakitoa burudani yenye ujumbe kuhusu maadhimisho hayo ya siku ya Ukimwi Duniani.
  Mkuu wa mkoa wa Njombe, Dkt. Rehema Nchimbi, akizungumza....
  Naibu Waziri, wa Tamisemi, Majaliwa akizungumza...
  Dkt. Bilal, akihutubia....

  Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akihutubia katika sherehe za maadhimisho ya Siku ya Ukimwi Duniani zilizofanyika Kitaifa katika Uwanja wa Sabasaba Mkoani Njombe  jana.
Baadhi ya wanafunzi waliofika katika sherehe hizo....
  Sehemu ya wananchi waliojitokeza katika sherehe hizo...
  Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na baadhi ya viongozi wakati akiondoka katika uwanja wa Sabasaba baada ya kuhutubia katika sherehe za maadhimisho ya Siku ya Ukimwi Duniani zilizofanyika Kitaifa kwenye Uwanja wa huo Mkoani Njombe.
 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akipunga mkono kuwaaga wananchi wakati akiondoka uwanjani hapo baada ya kuhutubia katika Sherehe za maadhimisho ya Siku ya Ukimwi Duniani, zilizofanyika Kitaifa Mkoani Njombe.Picha na Ofisi ya Makamu wa Rais

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

KAMPUNI YA MABATI YA ALAF YATOA MSAADA WA MABATI KWA AJILI YA UJENZI WA MAABARA ZA SHULE ZA SEKONDARI WILAYA YA MBEYA.


 Meneja wa Kampuni ya ALAF Tawi la Mbeya, Greyson Mwakasege akitoa taarifa kwa Mkuu wa Wilaya ya Mbeya kabla ya kumkabidhi msaada wa mabati 384 kwa ajili ya kusaidia ujenzi wa maabara.
 Mkuu wa Wilaya ya Mbeya, Dk. Norman Sigallah King, akitoa shukrani kwa kampuni ya ALAF  kwa kujitolea mabati kwa ajili ya kusaidia ujenzi wa maabara kwa shule za sekondari za Wilaya ya Mbeya.
  Mkuu wa Wilaya ya Mbeya, Dk. Norman Sigallah King na Meneja wa ALAF tawi la Mbeya, Greyson Mwakasege wakikabidhiana mabati 284 kwa ajili ya ujenzi wa maabara katika shule za sekondari za Kata.
 Mkuu wa Wilaya ya Mbeya, Dk. Norman Sigallah King akiwaonesha waandishi wa habari(hawapo pichani) msaada wa mabati aliyokabidhiwa na Kampuni ya ALAF .
 Meneja wa ALAF tawi la Mbeya, Greyson Mwakasege akimuonesha Mkuu wa Wilaya ya Mbeya bidhaa zingine zinazozalishwa katika kiwanda cha Mbeya.

 Fundi umeme na mtaalamu wa Mashine wa Kiwanda cha kuzalisha mabati, Himid Mwenzegule akiendelea kuendesha mitambo ya mashine ya kuzalisha mabati kiwandani hapo.
 Mashine ya kuzalisha mabati ya migongo ya kawaida aina ya Corrugator ikiendelea na kazi.
 Mashine ya kuzalisha mabati ya migongo mikubwa aina ya IT.
 Mashine ya kuzalisha vigae aina ya Versa Tile
 Mabati aina ya Simba Dumu yaliyozalishwa kiwandani hapo.
 Baadhi ya mabati yaliyozalishwa kiwandani hapo yakiingizwa kwenye Roli tayari kuelekea sokoni kwa wateja.


KAMPUNI ya mabati ya ALAF imetoa  msaada wa mabati 384 kwa ajili ya ujenzi wa maabara za shule za Sekondari za Wilaya ya Mbeya zenye thamani ya shilingi Milioni 7.
Akizungumza katika hafla ya kukabidhi msaada huo kwa Mkuu wa Wilaya ya Mbeya, Dk. Norman Sigallah King,Meneja wa Tawi la Mbeya Greyson Mwakasege, alisema walipokea maombi kutoka kwa Mkuu wa Wilaya ya Mbeya kwa ajili ya kusaidia ujenzi wa maabara katika Shule za Kata.
Alisema walikubaliana na ombi hilo na kuona ni vema kusaidia Bandle 32 sawa na mabati 384 yenye thamani ya Shilingi Milioni 7 baada ya mabati hayo kuanza kuzalishwa katika Kiwanda cha Mbeya ambacho pia kinahudumia Mikoa ya Ruvuma, Katavi, Rukwa,Njombe, Iringa na Mbeya.
Alisema ni matarajio yao ya kuendelea kusaidia maeneo mengine kama mchango wa Kampuni kwa jamii inayowazunguka pamoja na kuthamini wateja wake ambao hupata huduma kutoka katika kiwanda cha Mbeya.
Mwakasege aliongeza kuwa katika Kiwanda cha Mbeya kina mashine tatu ambazo ni Mashine aina ya IT inayotengeneza mabati ya migongo mikubwa, Mashine aina ya Corrugator inayozalisha mabati yenye migongo ya kawaida midogo pamoja na mashine aina ya Versa Tile inayozalisha vigae aina ya Versa.
Alizitaja bidhaa zingine zinazopatikana kuwa ni pamoja na Bati za Afrika kusini na vigae vyenye rangi za Bluu, Kijani na Nyekundu,Nondo kutoka Uturuki, Black Pipe, Z parlin na Hollow section.
Kwa upande wake Mkuu wa Wilaya ya Mbeya, Dk. Norman Sigallah King, mbali na kutoa shukrani kwa Kampuni ya ALAF  kwa msaada wa mabati pia alitoa wito kwa wafanyabiashara wa Wilaya ya Mbeya kujenga utamaduni wa kuchangia shughuli za maendeleo ya Wilaya.
Alisema mabati hayo yatasaidia katika ujenzi wa Shule ya Sekondari ya Wasichana ya Galijembe ambayo imeteuliwa na Wilaya kuwa Shule ya Bweni ya wasichana kutokana na ujenzi wa maabara kukamilika kwa asilimia kubwa.
Alisema lengo la kuiteua shule ya Galijembe kuwa shule ya Wasichana ya bweni ya Wilaya ni kuwaondolea adha watoto wa kike ambao asilimia kubwa wanaumri mdogo kwenda uaraiani kupanga vyumba baada ya kufaulu kujiunga na sekondari.
Alisema wasichana wanapata madhara makubwa wakiwa wamepanga kwenye nyumba uaraiani yakiwemo Mimba za utotoni na magonjwa ikiwa ni pamoja na kupunguza hali ya ufaulu darasani kutokana na mazingira hivyo Wilaya ya Mbeya imejipanga kuhakikisha hilo linaondoka.



Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
 
Supported by Tone Multimedia Company Limited
Copyright © 2012. Njombe Yetu - All Rights Reserved
Designed by Fredy Tony Njeje
Proudly powered by Blogs za Mikoa